Plantun de Prouvènço

Pèr coumpara dos planto d'encò nostre

Minuartia verna & Prunella vulgaris

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Bruneleto

Prunella vulgaris

Lamiaceae Labiaceae

Àutri noum : Carbouniero, Erbo-de-milo-flour.

Noms en français : Brunelle commune, Petite consoude.

Descripcioun :
Pichoto planto renadivo di bèlli flour vióuleto que vèn en mountagno basso e dins li prado umido de la plano. Fai de pichot mouloun de flour proun sarra (erbo-de-milo-flour). Se destrìo de P. hyssopifolia à si fueio mai largo em'un pecout.

Usanço :
Planto vertuouso contro l'ipertesuro, li mau d'estouma, li fèbre e lis inflamacioun. Se fai de tisano emé li brout seca. Li flour e li fueio podon èstre mesclado is ensalado.

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Prunella
Famiho : Lamiaceae
Famiho classico : Labiaceae

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Basso mountagno - Colo - Ribiero
Estànci : Termoumediterran à Subaupen
Couroulougi : Pancaro entresigna
Ref. sc. : Prunella vulgaris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Minuartia verna & Prunella vulgaris

ges

Coumpara Lineto(-dóu-printèms) emé uno autro planto

Coumpara Bruneleto emé uno autro planto